لەێ چراخەیله، کامێان تنی؟

لەێ چراخەیله، کامێان تنی؟
2022-11-23T15:40:25+00:00

جه‌لیل ئاهه‌نگه‌ر نژاد

 

شەو تیەریکانەو دەمم بەسانه

هەوا تووزو تەم، زڵمانزاکانه

ئەمان ئەمانه، لەێ کرماشانه

جی تیر° دژمن ها لە ئێ گیانه

مەڵهەم° بان° زامێان تنی

لەێ چراخەیله، کامێان تنی؟!

 

لەێ بان° کۊێەێ سیەێ پەژاره

لەێ ئاگربارە، لەێ دەیشتەێ تاره

وە چەو سەرشێتەیل، نووڕم وەێ شاره

ئێره باخ° سێــــف، یاگەر ئەناره؟!

ئەناره یا سێف، تامێان تنی…

لەێ چراخەیله، کامێان تنی؟!

 

چەن ساڵە تا سوو، ڕەو ها خەوم، ڕەو

کڵاش لە گیرفان، چەوەیل لە وەرقەو

جادەیل° جەهان گەردیمه هەر شەو

تا کەێ پەشێوی؟! ئاسمان کەو؟؟؟

چەوەیلم ڕەم کەن، ڕامێان تنی…!

لەێ چراخەیلە، کامێان تنی؟!

 

لەشکەرێ جەسەم، خۆەد گیانێانی!

خـــۆەد وە کۆردیێەو، نیشانێانی!

لەێ وشکەساڵە، وارانێانی

باوانەگەم! خۆەد باوانێانی

شراو چەن ساڵەێ جامێان تنی.

Shafaq Live
Shafaq Live