فولکلور کرماشان

ریەگەی کرماشان گوڵ و گوڵدەسە

بۊشنە دوسەگەم قەریبی بەسە

کرماشانیگم وەدیل گیریامە

وە هوکم دوسم زەنجیر کریامە

جفتی چاو دیری جۊ پیاڵەی چینی

لەقەسرەو خەیدەی کرماشان دۊنی

کرماشان مەچم بیستۊن رامە

قەتڵەگای فەراد شەومەنزڵگامە

هەی داد لەکرماشان چاڵە زەمینە

تاقوەسان خاسە جیەگەی شیرینە

هەرکەسی پرسی ناونیشانم

من بەدبەختەگەی ناو کرماشانم

خوەم کرماشانی یارم قەسریە

موبتەڵای بۊمە تەخسیرم نیە

باواند بڕمێ بسوزێ جەرگد

چۊ کرماشانی سیە بوود بەرگد

خوەم کرماشانی فارسی نیەزانم

وە زوان کوردی دەردد وەگیانم

کۊچەیل کرماشان تەنگ و تاریکە

یەی یاریگ دیرم کەمەر باریکە

بنۊسیم وەبان سکەی نادرشا

هەرکە یار نەیرئ نایدە کرماشان.