فریشته‌ى سه‌رده‌م
2010-07-28T09:10:52+00:00
به‌رز مه‌قام سه‌نگین قورسترین سه‌نگ
برژانگ جوى وه‌ته‌ر، برویه مانگ چوارده
چه‌ویگ نه‌وینیگه‌د هه‌ناسه‌ى سه‌رده
باڵابه‌رز باریك چه‌وه‌یل مه‌س و خڕ
ده‌م و دگان ورد ده‌مچه‌و خڕ و پڕ
له په‌نجه تا پا، وه‌كوو چنارى
روح سووك و نازك، ته‌یر كه‌نارى
كام ئه‌ندازیاره نه‌خشد كیشایه
كام نیگاركیشه خاڵ گوناد نایه
هه‌م هه‌سه كه‌سى له شیوه‌ى تو بوو؟
نه‌یم و نه‌شنه‌فتم، ئه‌ر هه‌سه ها كوو؟!
چوى وه‌سفد بكه‌م تو وه‌سف نه‌یرى؟
تو په‌یكه‌ر شویشه‌ى، ماڵم وه خه‌یرى!
وه‌سف چه‌و بكه‌م تا وه‌سف گونا؟!
یا گه‌ردن سفید یا ڕه‌نگ ڕووشنا؟!
ئایا زانیدن مه‌به‌سم چه‌سه؟!
خوه‌د گیل مه‌كه لیم ، تا ئیرا و به‌سه!
مه‌به‌سم زانى ئاقڵ و داناى
له ئشق و مه‌عشووق زانید و زاناى
وه خوه‌د لایقه ئى لار و له‌نجه
پیر جایه‌ڵه‌و كه‌ى، لاى خوه‌یه‌و گه‌نجه
