عشق گشتی

 عشق گشتی
2010-03-14T07:23:15+00:00

حه‌کایه‌ت نیه‌م ك بویشیته‌م

گۆرانی نیه‌م ك بچڕیته‌م

سه‌دا نیه‌م ك بشنه‌فیته‌م

یا چشی وه‌و جووره ك‌ بوینیده‌ی

یا چشتی وه‌و جووره‌ ك بزانیده‌ی...

من هاوده‌رد گشتانم

بچڕ له‌ لیم.

 

دار وه‌ل دارسانا قسه‌ که‌ید

گیا وه‌ل ده‌یشت

هه‌ساره‌ وه‌ل که‌هکه‌شان

وه‌ منیش وه‌ گه‌رد تۆ قسه‌ که‌م
ناو خوه‌ت بویشه‌ پیم

ده‌س خوه‌ت بیه‌  وه‌پیم

قسه‌ی خوه‌ت بویشه‌ پیم

دڵ خوه‌ت بیه‌ وه‌پیم

من بنچینه‌ی تۆ په‌یا کردمه‌

وه‌ لێوه‌گانت ئه‌ڕا ته‌مام لێوه‌گان قسه‌ کردمه‌ و

ده‌سه‌گانت‌ وه ‌گه‌رد ده‌سه‌گانم ئاشنان.

من له‌ خه‌ڵوه‌ت ڕوشن وه‌ گه‌رد تۆیا گریامه‌

ئه‌ڕا یاد زنێه‌گان،

وه‌ له‌ قه‌ورسان تاریگ وه‌ گه‌رد تۆیا

قه‌شه‌نگترین سرووده‌یل خوه‌نستمه‌

چویکه‌ مردێه‌گان ئیمساڵ

ئاشقترن زنێه‌گانن.

 

ده‌ست بیه‌ پیم

ده‌سه‌گانت وه‌گه‌رد من ئاشنان

ئه‌ی  دیر وه‌ ده‌س هاتگ وه‌ل تۆیا قه‌سه‌ که‌م

جوور، هه‌ور وه‌ گه‌رد توفان

جوور، گیا وه‌ گه‌رد ده‌یشت

جوور، واران وه‌ گه‌رد ده‌ریا

جوور، مه‌ل وه‌ گه‌رد وه‌هار

جوور، دار ك وه‌ گه‌رد دارسان قسه‌ که‌ید

چویکه‌ م

ن بنچینه‌ی، تۆ ناسیمه‌

چویکه‌ ده‌نگ، من

وه‌ گه‌رد ده‌نگ ، تۆ ئاشناس.


Shafaq Live
Shafaq Live