شەویگ کپ
ترمەیل سەوزیگ
لەکنار ریەگە دریژەو بوینە
تەمەریلیگ چووین
تەرمەیلیگ لەڕیشەو بڕیانە
تەرمەیلیگ رویتەو کریانە
تەرمەیلیگ رەنگەیلیان رفیاگە.
دوێەکە ئاهەنگ مەسیح کردیان
لە وەردەم سانتا کلوز
گووش گردیان
موسیقا ژەنیان
گورانی شەو زایینی چڕیان
تەڵا لەوەر کردیان
دیاری پێشکەش کردیان
وە هەزار چەو بریقەدار نووڕستیان
و ئومیدەیل وەجی هاوردیان
شایەت سەوزتر بوین لە ئیسە
و پاوە وسیاێون
نەڵاژیاێون هەکاتی ئیسەیان
وەلێ وەگەرد ئەوەیش
هیمان تەنیا تەرمن
هەکاتی ئمڕوو
کەسیگ نەزانست ک تەرمن
چوونکە دوێەکە هەر وەپیان ئاشکرا نەوی ک تەرمن
باوجی ئمڕوو بوینەسە تەرم
چمان یەک رووژیش زنی نەوینە
لەبان ئەو وەفرە
ک وە نەرمی وارێدە بانیان
هوچانیگ سینن
وکنار ریەگەیش لە ژیرییان خەفێد
وەهەر هاڵیگ
قەوریگ تر ئەرایان پەیا نێەوود
لەناویان خەفم
چەوەیلم بەسم
تا هەس وەکۆتایی بکەم
هەس وە چشتیگ بکەم
لە گیان ئی زایینیە.
شعر/ میرسیا دان دوتا - رۆمانیا
وەرگێڕان/ ئاژانس شەفەق نیوز
