سوومای چەوەیلد

ئاسمان تیه ریک ئشاره ی چەود 

خوەرنیەتێ وەخەوهەسارەی چەود

سەرگوڵ هەرچـــێ  بەێت دڵداری

بەیتێ گ بۊوشیەی لە بارەی چەود

پیەنای دیـــــــــــــمه ند ئاسمانیگە

برۊوەگــــــاند کەش کەشـــــــانیگە

کــــــــی ئاسمانیگ وە دو خوەر دیە

هەر چەویـــــــگد خوەر مێهرەبانیگە

ســـــــــــوار باڵ تێارەی  چـــەود

باڵ گرم وه یەی ئشارەی  چەود

سوک و سه ر خوەش هامه خێاڵد

تـــــا خوەرهەڵات دوارەی چەود

پرشەی رخسارد سوومای چەوەیلم

ڕووشناییەگەی  مـــــانگه شەوەیلم

لێم درێغ  مەکه   پرشەی رخســارد

دەسەیلم بگـــــر  گ وەیل  چەیلم

                               حەبیب جەلیلیان