سه‌وزه
وه‌و تیر ئاودار نیشته‌ر نیشه‌وه
له قوشاره‌ى ئه‌برووی كه‌مان كیشه‌وه
دا له گووشه‌ى دڵ سته م دیده‌مه
دڵه‌م له پره ى ژین ئه نیشته‌وه
له‌و ڕووژه‌گ تیره‌ش له گووشه ى دڵ دا
سه ختى و هشكه ژان له گیانم گل دا
شه وگار تا وه سوو ناڵه ناڵمه‌ن
بى كه‌س كۆ شته بويم و بى تا مه‌ڵ دا
سه وزه كوشتیته‌م به دیده‌ى مه‌ست
خودا بسینى هه‌ق له گشت كه‌ست
كه‌ست نه‌مینى وه ڕوی خاكه‌وه
خودا كوره‌ت كه‌ى و خه‌ڵق كیشی ده‌سه‌ت
خودا بسینی هه‌ق له باوانت
بیمار كه‌ى جه‌سه‌ت كووركه‌ى چه‌وانت
ئه‌را ئی تیره‌گ جه‌رگم پاره كرد
گرده نه‌شین وا ی وزیاى ژانه‌ت
سه وزه چوی كردی وه‌تیر زامدارم
چوی لێخن كردی سافی ڕووبارم
سه وزه نه‌مینی شه‌وقت چوی جاران
به‌سووزى وه داخ دڵــه‌ی زامدارم
وه‌ت هامریى كه‌م كه نووڕ و نزاى پن
ڕووژی ههس نوشر جام ره‌زاى پن
ڕووژى ههس به‌سا م مه رهه‌م له زامت
تا له ویره‌ت چۆ جه‌زر سزاى چه‌ن
ڕووژی ههس نووشى شه‌ربت له لێوم
بازی كه‌ی و پرچ زو‌ڵفى په‌شیو‌م
مه س بۆی له شه‌ربت نه‌وات هامیته‌م
ڕوی ماڵی وه‌بان ته‌رچگی سويه‌م
ڕووژی ههس بخه‌یم دۆده س له گه‌ردن
شه‌ربت بنووشیم تا ڕووژی مه‌رده‌ن
چوی مارى دییه‌می پیچ خوه یم ئه‌وهه‌م
تازه ئه‌و به‌كیم هه‌ر چه وه‌میرده‌ن
