سانەناو

نیەزانم په ژارەی كام شەوار

ڕشیاسه مل منا؟

وه ڕەنگەیل ئەڵاجەوێگەو له هات و چینم و

هەرسات ئۊشم: سانەناو

دی خەو گرتێیەسەم له‌يلا

دەورملیەگەد واز كه و بووەسەی بان زامەگانما

زام نەیرم؟!

قەی نەیرێ، بووەسەی تێوڵمەو

تەو كردمه له‌يلا

ئەژنەفتمه

ئایمەیل دەمەو خوار ژیەن و

دەمەو بان مرن

نەكەی بمرم له‌يلا!

ئاخر كی له ڕۊوێیەو هەڵای

له وەر چەو ئێ هەمگه ئایەمەو بمرێ؟

سانەناو له‌يلا!

سانەناو !