ساقی

برشن دل ت خوه‌ش بو! ساقی ئه‌گه‌ر مِ دیمه،

که‌س گیان وه ده‌ر نیه‌وه‌ید له‌ی سال ناسواوه

کلیام و برشیامه ئی ‌ده‌رده که‌س نیه‌زانی

ئه‌شکم له و دیورید هه‌م ئاگره هه‌م ئاوه

گوونا وه ژیر زولفد بیلا بکه‌ی خوه‌ر ئاوا

بوومه خِرِ چه‌وه‌یلد! جاری چِ وه‌خت خاوه؟!

ده‌ردم که‌سی نیه‌زانی ، داخم له بی که‌سی خوه‌م

ته‌نیامِ چیو بکشیم ئی گشته ناحساوه

ئیوشم دلم هلاکه ، تا ده‌س بنه‌یده تالان

ئیوشی حه‌یا که په‌رته‌و ! ده‌س له‌ی قسه‌یله لاوه!