ساقی
2024-06-04T13:33:11+00:00
برشن دواره برشن ساقي دلم كه‌واوه !
شيتم كه تا نه‌زانم ! زانستنم عه‌زاوه !
برشن دل ت خوه‌ش بو ! ساقي ئه‌گه‌ر مِ ديمه ،
كه‌س گيان وه ده‌ر نيه‌وه‌يدن له‌ي سال ناسواوه
كليام و برشيامه ئي ده‌رده كه‌س نيه‌زاني
ئه‌شكم له تاو ديوريد هه‌م ئاگره هه‌م ئاوه
گوونا وه ژير زولفد بيلا بكه‌ي خوه‌ر ئاوا
بوومه خر چه‌وه‌يلد! جاري چِ وه‌خت خاوه ؟!
ده‌ردم كه‌سي نيه‌زاني ، داخم له بي كه‌سي خوه‌م
ته‌نيا مِ چيو بكشيم ئي گشته ناحساوه
ئيوشم دلم هلاكه ، تا ده‌س بنه‌يده تالان
ئيوشي حه‌يا كه (( په‌رته‌و)) ! ده‌س له‌ي قسه‌يله لاوه !
پرتو کرمانشانی
