سەردەوا
سەردەواس بانكوول سەردەواس بانكوول
ئەي وجـاخ كوور ئەي ميلكان چووڵ
ئەي كـۊەێ بەرزيگ هه تووزو تەمی
ئەو كەڵــه چەنێ وه پيدا نەمی
ئەو كــەڵ هۊل هەڤده ساڵانه
فرێشتــگ بەخت كورده ماڵانه
ئەو بــرۊه پيەنه ئەو دەم چۊ قەنه
دل له جـی بەر دل له جي كەنه
ئەو گـەردەن بەرزه ئەو بژانگ شووڕه
له ژيـرەو خەن له ژيرەو نووڕه
ئەو ئەبـــرو پەيوەن ئەو كەمان داره
ئەو تيــر وەشن كەمان ئەو شاره
ئەو دەم ئــەل پيچه ئەو يەقه وازه
ئەو باڵا بــــەرز كەمەن درازه
وه قەول شاكه ئەو وەي له وەره
ئەو گــڕەێ ئاگر له جەسه دەره
سوخمەێ سكــــه دووز سەوز سوورانی
كونەێ كــەڵ پووس گەوراێ گوورانی
د ڕەديف ڕەسـن داس له ناو قەئێ
گريەێان داگـه لـــــه بان بەئێ
زلفەێل لـــۊلێ خسگه وەشانا
"شكرانەم پيــد بوو كەس سڕ نەزانا"
كـەوي گەردەنێ كەفتگه ئەو دەر
"شكـرانم پيد بوو بيناي بان سەر"
خان مەسۊر ها كـوو ؟ ئەێ كەله بۊنێ
شاكه كل بكــەێ له شوون نۊنێ
خان مــەسۊر وەتم هەم كەفتەو هۊرم
بيس و چـوار ساله لەي شاره دۊرم
شار منــالی شـــــــار بازيم
شار ســەر بەرزی و سەر فەرازيم
شار برايلــم ، شار دووسەيلم
شار عشقـــەيلم ، شار بووسەيلم
شــار شــــادی و شار شيوەنم
هـووره چـــڕەيل چەمەری خوەنم
شار شيــرينم ، شار شارانم
تەنیـا ماواگـــــەێ جار جارانم
بيس و چـوار ساله لەێ شاره نيم
مِ دی م نيــم ، ئەنـۊ م كيم !؟
نه خان مەســۊرم ، نه مير نەورووزم
پەڕەێ بنــۊسم له حال و رووزم
وێل وەيـلانێ لەێ ناو شارەیلــه
گرفتـار نــاو گرفـتارەيله
غەریب بێ كـەس بێ هــاو نشينێ
بێ دەس بێ پاێ بـێ دنيا و دينـێ
دار بــي سايـەێ بێ برگ و بارێ
له پاێ نەنيشتن ئێـڵ و تــەباری
تۊل ئەڵكـەنياگ فـڕه درياگێ
جــاڕ وەره لاێ يەێ شەو خورياگێ
دار كولـوور له ناوەو چـوولێ
بار د دنيـا له بان كـوولی
شاكـه يه حــال براگەێ تنه
تەنيـا مِ نيم گشتێ چــۊ منه
زەۊمان سيـەو كۊەمان كەوه
كەسێ نيــەزانێ رووژه يا شــەوه
هام شــوو نیەکەێم بـــڕي بڕانه
ساڵ تاعـــوونه ســـاڵ قڕانه
لەێ ملكه نيـەخەێ ميگه نوارێ
ئاسمان ئــەور كەێ ولی نيەوارێ
لافاو كەفتـەو ڕێ وەلێ له ماڵان
نەكەفتـەو بان كووره گڵاڵان
كووره گڵالان كـوور و ڵاڵ مەنن
كوورپه مناڵان هـــه منال مەنن
مەر خـوداێ ڕەحمان خوەێ بكەێ كارێ
تا ئــەورێ باێدەو تيەوێ بوارێ
تيەوێ بوارێ دنيــا بشوورێ
ئەێ تــــەپ و تووزه لەيره بتوورێ
ئەي شـــەوه زلفێ بخەێ وه پشتا
خـــوه ر ئڵاێ له بان سەر مانشتا
منی له شــار غەريبی بامەو
گيا ســەوز بكەێ وه دەم پامەو
سووسەن بچــڕێ ئەو سەر نساران
وه ت مزگانـــــی هاتەوه ياران !
بێهروز ياسمي
