سەرێ دە دەروەچەو درار

سەرێ دە دەروەچەو درار مانگ شەو چواردەم 

پا بنە هەوش و حەوز م خوەرێ بۊە هشار دەم

ماگە فرە دە ئێ خەوە م دامە یەێ  چراخ دۊ 

ماگە فرە دە ئێ شەوە م دامە  یەێ  ئەنار دەم

ئاینە و هزار چەم سێر دە ئیسفام نیەو 

دە ڕیشم ئەر عەرەق تکێ گوڵ ئەوگرێ هزار دەم

قوڵ قوڵە قوڵ م هف خوەم و شیر خەمەو سینگ ت

م مەوج مەوج  لف خوەم و هێز گرێ بوخار دەم

ڕەنگێ بێارە ئێ ڕۊیە کەسێ بێیە وە جامەکم 

پووس م دابمڵکن و ئاێم تر درار دەم

دە هەر بەنێ م ئەودەر و دە هەرچ دار سەرترم 

قەدم بڵێن نیە ئەمان یاد گرێ چنار دەم

پێشت و پێشت م خەمە خەنگ خەنگ بوشکنەم

خێشت و خێشت م زیەمە گری گری بوار دەم

ڕەنگەو نیەچوو دە جامەک و بوو نیەوڕی دە مێخەک و

دی دەس و پا وە ول نەکوت ڕێ نیە ڕا فەرار دەم

ت نختە نختە ماچمی هزار شەو دیار دەت 

م نختە نختە خاڵتم  هزار خوەر وە دار دەم

حسێن شەکەربەیگی