کەسیگ دەر واز نەکرد

هەر مەوقەیگ

ژنیگ وەشیوەی تو دیام

کەفتیامە شوینی

تا چوودە ماڵ خوەی

ئیجا وە کڕیگ لەبان دەر ماڵەگەی

نیشانە کردیام

لەوەختیگ تو ناسیمە

من ئی کارە کەم

دوێەکە

ژنیگ لە شیوەی تو دیم

سەرم سڕەو کرد

خو من دەریگ وەبی نیشانە

لەی شارە نەیشتمە

کەفتمە شوین ئەویش

تا چیە ناو دەریا

لەشوینی چگم

دویرەو کەفت

دویرەو کەفتم

چگە ژیر ئاوەگە

چگمە ژیر

تا رەسیمە بن دەریاگە

وەناکاوەو نەمەنەی

وەلێ گشت ئەو دەرەیلە دیم

ک هاوشیوەیل تو چگنە ناوی

و گشت ئەو نیشانەیلە دیم

ک وەدەس خوەم کڕیان کیشامە

لەو رووژەو

دەر وە دەر کوتم

مینەی رییگ ئەرا دەرچگن کەم

باوجی تا ئی مەوقە

ک ئی قسەیلە نویسنم

کەسیگ دەر واز نەکرد.

شعر/ مەنسور جغیمان - باکورور خوەرهەڵات سوریا.

وەرگێڕان/ ئاژانس شەفەق نیوز.