رووژێ وە یەک رەسیمن
«ڕووژێ وە یەک رەسیمن» ناو ئەو بەرهەمەس کە لە بنەما بوتیقاییەیل شیعری نئوکلاسیک وە وەرچەوگردن بنەمایل مۆدێڕنیتە، وە روانگەیگ نووخوازانە روی کردنە وە وشە و دەستەواژەیل کوردی خوارین، بەرهەم هاتیە. بەرهەمەگە ئافراندنی غەزەڵە لە بنەمای تیکەڵاکردن ناوەین عەرووز و هەجا کە لە تیراژی 2100 دانە و لە 115 لاپەڕە، وەیزویە لە لایەن ئێنتشارات «زایەڵە»ی مەریوانەو چاپ و بڵاو کریەێد.
«ئوستاد میرجەلالەدین کەزازی» مامۆستای شانامەزان، و ئوستاد ناونەتەوەیی ئەدەبیات، پیشەکی ئەرای نویسایە و «ماموستا چیا سەرسپی» دیزاینی رویبەرگی کرديە. ئوستاد«چەنگیز ئێقباڵی ئازاد» کار وێناکاریی گرافیکی ئەنجام دایە و «ماموستا موحەممەدعەلی مورادی» کار خوەشنویسی خستیەسە گەردن خوەی.
شاعر تەقەلا داگە لەی بەرهەمە وە سەرنجدانە شیوەزار فەیلی، رووگەیەگ زوانیی رەسەن نشان بەێد، و بنه‌مایل ئێستاتیکای ئەدەبی و ئەزموون نووکاریی تاقی بکەێد.
