ئەرا کوو؟
2023-11-02T11:25:51+00:00
بوارێدن لە ناو ئێــــــــــــڵاخ شێئرم
ئەڕا کوو چی وجاخ خۆەزیەوەیلم ؟!
پـەری شێوەێ پەریشان شەوەیلم؟!
خێــــــــاڵد ها لە کوو ساتێ بنووڕێ؟!
چەنێ خەم ها لە ناو ئەور چەوەیلم
ئەڕا کوو چی شیرین چەو کەژاڵم؟!
پـــەری زایەێ شەوەیل کاڵ کاڵم
منم مەجنوونەگەێ وەیلان لەیلی
لە وێنەی "بەم" یەسە ویرانە هاڵم
ئـەرا کوو چی تریوەێ سەر سراوان؟!
خەزال سەرکەش رۊ تاش کاوان
تمام دەروەچەیل بێ ت خەمینن
ئەڕا کوو چی شیرین گوڵ لە داوان؟!
جلال_کوهی
