ئەگەر بیلنەمان

عاشقی سادەس ئەگەر بیلنەمان

عاشق ئازادەس ئەگەر بیلنەمان

دەردمان کاریە ئەما دەوەرەیل

دو سێ قوم بادەس ئەگەر بیلنەمان

کاسە و کۊزە و جام و خوم و مەی

گشتێ ئامادەس ئەگەر بیلنەمان

بڕ بەساتی ک خەنەو ئەهڵ نیاز 

ئەین سەججادەس ئەگەر بیلنەمان

کەفتن و هێز نەگردن لە مەسی

نۊژ سەر وادەس ئەگەر بیلنەمان

یە دی ئاخر دەس ئێ بازییەسە

چلمان ها دەس ئەگەر بیلنەمان

مەگە قەسری چە لە عمرێ مەنییە

ئاخر جادەس ئەگەر بیلنەمان

مامووسا قەسری