دڵگه‌رمی

تا وه‌ نوزویله‌م

وه‌ره‌نسکێ وه‌ نجات

دورس بوو

تا که‌شتی ئلتماسم کل بکه‌مه‌ ئه‌ڕای

تا باریده‌ی ئه‌ڕام

ئه‌ر هات و

سوار که‌شتی قوروان سه‌یه‌قه‌م نه‌وی

شریخنم

ئه‌وقه‌

تا شریخه‌م بژنه‌فێ

تا ئه‌زیه‌تێ بکه‌ێ

تا ئارامه‌لێ بووڕێ

ئه‌ر دواره‌ سوارێ نه‌وی

خیاڵم کل که‌مه‌ ئه‌ڕاێ

تا فکرێ بدزێ

بارێده‌ی ئه‌ڕام

جا فکرێ واز که‌م

بزانم چه‌ هاناوێ

ئه‌ر دیم ناتوانم

ها له‌ کوڵه‌سویک که‌لاوه‌ خه‌راوه‌ی چه‌په‌ رێ فکرێ

چمه‌ خانێ تر

ئه‌ر دیم ''ناتویه‌نم"

گڕه‌یێ بایێ و ئه‌ڵامه‌ت بییه‌یه‌ پێم

قیڕنم و په‌ڕمه‌ بان قیڕه‌م

تا لای باڵوه‌ گرم

و ئاسپایی هه‌ڵی گرم

و تێرمه‌ی.