دوو پارچە شیعر

ئێـواران

خەم تێد و دەێ لە دەرانە کوتێ

لە دەروەچەوا هەیوام

چم خوەم لە ناو شیشەی مەی بشارما

کە دۊنم 

خەم وەرجەێ مە

نیشتەسە بان سەندەلی وەرەێ وەرم 

چەوەڕێیە دەس بکەێدە ملم و ئۊشێ :

دڵنیا بوو

مە چۊ شادی بێ وەفا نیم

هەر لە یەکم ڕووژ زنەیید وەگەرددا بیمە و هە تا دۊا ڕووژ

 وەجی نیەیلمەد

هەڵسێ و زۊ چوودە ناو شیشەی مەییە

خوەمەێ و تک تک لە چەوەیلما داچووڕیەێ و دجارە

 هەڵگەردیەیدا ئەڕا لام و نیشیدە وەرەێ وەرم ....

 جەلال  مەلەکشا

فەڵەک فەن باز چە وە پیم کەردەن

جەسەم ناتەوان ڕووخسارم زەردەن 

نە دڵخوەشی مەن نە دووس گیانی

دەرۊن چۊ ئاگر هەناسی سەردەن

یەک یەک نازاران لە لام کەردەن بار

خەمین بێکەسە گیروودەی دەردەن

  فەڕووخی نەسەب 

٭ خەمین٭