دوو پارچە شیعر

واران

تمام دارەگان هـــەر هـانە مــوودەم

خودا بکــەێ لە ناو هۊر تِ بــوودەم

مِ وارانم رەفیــــــق دەروەچـــــەیلم

تەزێ دەرچوو لە ساێەد ئەزرەتەیـلم

مِ وارانم، خــــــڵاتم جــــــامێ ئاوە

تِ بەو هۊرەیل خەم لەێ گیــانە لاوە

"مهوش سلیمانپور"

پەتەسوو

هەر لە ئێوارە،

خەم،

وە تەورِ گۆڵ دەمێگەو

گۆڕاێ گۆڕ،

دەێ لە ساقەێ کلووڕ گیانم

منیش

هەیتاهەیت

خوەزێەوەیڶ کەو سزنمو

کەمە پەتەسوو

نەمەباڼ زامەیل قۊلمو

وە دەسڕ شێئرەیل قرمز

هەڵپێچمان

شەوەکی

خەم

وە تەورِ کۆل دەمێگەو

شەکەتِ وەڵەکەت کەفتێەو

دار گیانم

لە ژێر بار خوەزێەوەیل کەوو

شێئرەیل قرمز

سەر چەمانێە!

مسعود قنبری