دوبارە

دڵم لە سەودای خوەشەویسی

ئاگر گرد و

جوور کویرەی زوخاڵ سزیا

ڕووژەیل ڕووشنام

جاری تره‌ک

جوور ئەسپ هەراسانیگ

دا له‌ هيله‌و

زەنجیرو پاوه‌ن پای بڕی و

کوورانە مل نا وەرەو تیەریکی

هس جارانم جویلیاو

وەیاد عشقە سەر نەگردیەگەی

چەن ساڵەی گوزه‌يشتم و

وەل کاروان عشقا کەفتە ڕی

وە ئه‌زره‌تڕەسین

وە ئاره‌زووەيل سه‌رنگوون

ڕووژەیل وه‌رينم

وەلی داخ گرانيگمه‌

پیری لە ناکاو

هات وه‌ره‌و پيريم و

تیر له‌ كه‌وان وه‌شان و

هاته‌ مه‌يدانم

پەت و سێدارەی مردنیش

كه‌فته‌ تەوق گەردنم

ئه‌زه‌ره‌ته‌يلم جوانه‌مه‌رگ كردو

گشت گشت يادگاريه‌يل ژيانم

زنی وە چاڵ کرد

رووح و جەستە وەل خوەیا برد