ده‌نگ ژنێگ ک تاشه‌وه‌کی چڕێده‌م
2013-04-06T11:40:47+00:00
بایه وه تاڵێگ به‌ن
ته‌مام ئایه‌مه‌یل
بوه‌سیمه یه‌که‌و
تا که‌سێگ گوم نه‌ود
ناتالیا ۸۸
***
جوور سیه‌پرويسنه‌که‌گان
ک دوياجار
له ده‌ر ماڵ خودا مرن
هه‌ر سه‌رپاسارێگ تويه‌نید نیشتمان م بوود
ئه‌مانێگ نیه‌زانم
ده‌نگ ژنێگ ک تاشه‌وه‌کی چڕێده‌م
تا چه‌نێگ راس بوود؟
دوير له شارسانیه‌ت
م وه چه‌و خوه‌م دوينم
شه‌خڵ روومان هه‌ر دويه‌تێگ
له ناو کانیاوێگ
له واران شکێد
دوباره دوينمه‌ده‌و
ده‌نگ گوم بوی
له ده‌راوه‌یل دوير
ناتالیا
