ده‌ریـا
هوير تو دڵم خسته ڕێ و هاتمـه لاده‌و
تا هه‌ر چـه دێرم بیلمـه داوان تـو ده‌ریــا
له‌ی لاوه سه‌رێ دامه کوی و جه‌نگه‌ڵ سووزت
وختـێ که ڕێيم که‌فته سه‌ر خـوان تو ده‌ریـا
زانی که دڵم له‌ی سه‌فه‌ره قه‌سد و قسه‌ی چه‌س؟
هـاوردیـه تا به‌یده‌مـه تـاوان تـو ده‌ریــا
هاتم له هه‌وای تو نه‌فه‌سی تـازه بکیشـم
وه‌ی تووز و ته‌په هاتمـه سه‌یـران تو ده‌ریــا
دڵ تاقه‌ت بار غـه‌م ئی عشقمـه نه‌یـرێ
به‌و تا کـه بدامـه‌رزنمه‌ی شـان تو ده‌ریـا
ئه‌ر عشق توه‌یدن که بزانێ چه وه دڵ کرد
یه‌ی ده‌ف تو بنووڕه خوه‌د و توفـان تو ده‌ریـا
شه‌ق شه‌ق بیه ئی زار و زه‌ويه' تا که بوارێ'
واران قه‌سه‌می دامـه دڵ و گیان تو دریـا
ئه‌و مه‌شکـه‌ی ئه‌ور که‌ره‌م کووڵده پڕ کــه
تا بڕشێده زه‌وی نم نـم واران تـو ده‌ریــا
هشکه ده‌م زه‌وی ' تینیه باخه‌یل ره‌نگینێ
دی ده‌یـن ئه‌وانه وه مل و شـان تو ده‌ریــا
تاوسـان که ده‌ور تونـه وه بـاوش وازت'
گشت بوونـه تماشاکه‌ر و حه‌یران تو ده‌ریـا
زمسانه که دڵگیری و هه‌م خه‌ڵوه‌ته ده‌ورت
مـه هاتمه‌سـه پیـری زمسـان تو ده‌ریـا
ئو بیـدخِ مه‌وج غه‌مده کردمـه نیشـان
شـایه‌د شه‌وێتر بویمنـه مهمـان تو ده‌ریـا
له خاس و گه‌ن عشق گوزه‌شتـم تو بزانـه
دامه مل مه‌وج تون و عوسیـان تو ده‌ریــا
یه‌ی بوخچه له ئه‌ورت بیه سه‌وقـات بوه‌یمن
شایه‌د یه‌کی هه‌ر هاته نوام ' گیان تو ده‌ریـا
سه‌رچه‌وه: به‌ڕوی
ويراشته: شه‌فه‌ق
