دنیام گه‌ورا خوه‌م بویچگم

هه‌م تاتی و هه‌م دویه‌تم

چوى ئاو بان تیه‌تم

زولفی هویل و چه‌وی که‌و

چمان مانگه ها له خه‌و

خودا شوکری را دویه‌تم

روو‍ژی تیه‌د میه‌تم

گوپی وینه‌ی سیف و به‌ی

ئویشم بگرم بخوه‌مه‌ی

مه‌لویچگ

مه‌لویچگم مه‌لویچگم

دنیام گه‌ورا خوه‌م بویچگم

وه ئی زه‌ره‌یل بالَمه

ئی ئاسمانه مالَمه

مشتی برنج که‌می گه‌نم

رووزی خوه‌مه م هه‌لَچنم

نه‌رِمانمه مالَ که‌سی

نه‌شکانمه پا و ده‌سی

دوام یه‌سه رِوو‍ژ و شه‌وان

بشکی هه‌رچیگه تیرکه‌وان

خشی

وه خشه خش که‌فته رِی

کیف و کتاو هه‌لَگری

خشی هویل هویرده پا

توای بچیده کوورا

پایلد چه‌نی فره سه‌

توای بچیده مه‌دره‌سه ؟

تا به‌ن که‌وش بوه‌سی

وه مه‌دره‌سه نیه‌رِه‌سی

تا ت بچی زه‌نگیش خوه‌ی

مبسر غه‌یبه‌ت ئراد نه‌ی