داوڵ

له‌ی همه‌گه‌ مه‌له‌  ری بون وه‌لامه‌و

نیه‌زام شیوه‌ی ت بیشر ها کامه‌و

هه‌رکه‌س له‌ی دۆنیا شیوه‌ی گول دیری

له‌ گشتی بیشتر ژان له‌ دل دیری

هه‌رکه‌ له‌ی دنیا زه‌ره‌ی شیرینه‌

ئۆخه‌ی نیه‌که‌ یدن له‌ی سه‌ رزه‌مینه‌

بی هاز ، بی نز چۆ پۆش وه‌ پاوه‌

قرچه‌ی گیانم تێ وه‌ ده‌س واوه‌

ئرمیسم نزاو تیه‌نی بی نزه‌

بژانگم په‌رچین باخ پایزه

وه‌ داوله‌یل بویش لە زووانی  م

یه‌ی رووژ کاله‌و بوون چوی جوانی م

قلاگان زانن داوڵ دارزیه‌ ئی

وینه‌ی سه‌وزه‌ وشک تاوسان سزیه‌ی

له‌ بریجه‌ی خه‌ور تانکیش بوو گیانی

وه‌ پاوه‌ مری و که‌سی نیه‌زانی

له من ریقه‌ی ره‌ق سقانی مینی

له‌ داوڵ چوو وشک بی گیانی مینێ

"سەعید عبادەتیان"