دار په‌ڵك
میوه‌دار نیه دڵخوه‌شى نه‌یرى
نامه‌ى ئه‌و كه‌سه‌س ها هویر خه‌یرى
ڕا خوه‌م بى عه‌قڵویم من بى چاره
چه‌ن جه‌ور چه‌ن جه‌فا كیشام ئه‌راى داره
نووڕسمه سه‌ونزى و پیه‌نى وه‌ڵنگه‌یلى
وه بڵینى و ڕه‌یینى په‌له‌یلى
له‌منا گشت دارى خاس و خه‌یرداره
ئه‌وسا من په‌ڵك دیم له‌منا هه‌ناره
ڕا خوه‌م ئاویارى دار زه‌ل كردم
ئیرنگه ئاخ كیشم ئویشم چه‌كردم
وه‌ختى په‌ڵك دوینم تف كه‌م له‌دارى
تف كه‌م له ئه‌وه‌یش هه‌رناوى تیارى
ئویشم خه‌یر تن نه‌ڕه‌سى وه‌پیم
بیجگه زه‌ڵاڵه‌ت من له‌تن چه دیم
هه‌رچگ بڵین بوید هه‌ر دارپه‌ڵكید
میوه‌دار نیید زه‌ره‌د وه خه‌ڵكید
تن بایه‌د ڕیشه‌د درارید له زه‌وى
تاكه‌س نه‌زانى داره‌گه‌د هن چه‌وى
تویه‌مدیش نه‌یلیت له‌روێ سه‌ر زه‌مین
بكه‌فیده وه‌ر ته‌ور كافرییگ بى دین
قه‌ڵوپه‌ڵ بویدن هویرد بویدن جووركه‌ى
تا ڕا زوخاڵیش دى وه‌ده‌رد نه‌خوه‌ى
ئه‌ى شعره له‌بان داره‌گه‌ى په‌ڵكوى
بى وه‌فاى ڕووزگار یه‌كى له‌خه‌ڵكوى
