داخ دره‌وشمه‌و خوه‌شم!
2011-10-25T12:21:48+00:00
زوور ها له باوه‌ڕ من و
زه‌نجیر له وه‌رقه‌و هه‌رکه‌سێگ
گیان داێه وه سڵاێ من و
عمرێ خڵات ته‌رکه‌شم!
□□□
نزم و نه‌زووک و ترش و ته‌نگ
سخته‌ێ زنه‌ی؛
زینێ مه‌نێ،
نه‌مرده‌نی،
پا وه دره‌نگ
چام و زقم دێرێ وڵات
خۊن مردێیه و مرده خه‌نێ
لاپرتنگ بوين و ژیان له گیان ژه‌نێ!
□□□
له‌ێره هه‌وا ترش و ته‌نگه
له‌ێره خودا خوداێ جه‌نگه
له‌ێره ...
...
..
.
..
...
ئێره فه‌زاێ هه‌زلوولی ...
نه، هه‌زه‌و لێوێ،
... هه‌زه‌و لێوی تمام ژنه‌یل دنیاێ زه‌ێن منه
ئێره فه‌زاێ هه‌زه‌و لێوه‌ی باوه‌ڕ منه
ئێره سێداره خانه‌ێگه
هه‌ره‌س ته‌نگه،
ترشه‌و خه‌فه
له کیش و مات زاێفه
