داخ داڵگ سه‌خته
2011-06-20T11:22:56+00:00
خه‌م له نوو هاته‌و، بویه شه‌ریكم
ئویشى تا مردن، وه‌لدا خه‌ریكم
ده‌سكیش كرد دڵسووز، ڕووژ و شه‌وانم
ئازار بى ده‌رمان، ناگه‌سه‌و بانم
كرده‌م وه ڕه‌فیق بایه‌قوش، وه شه‌و
ئه‌وى هوو هوو كه‌یگن، من ئاغه‌میر ڕه‌و
ڕووژم تیه‌ریكه، و شه‌وارم خه‌مه
كارو كردارم، شین و ماته‌مه
برایل لیم نه‌گرن، دڵم خه‌مباره
شه‌وار ڕووژه‌و كه‌م، ئه‌ول په‌ژاره
داخ دڵم، كوت كوت كرد جه‌رگم
له گیان ئاجزم، چه‌وه‌ڕى مه‌رگم
داڵگ سوین ماڵ، و داڵگ گشت كه‌سه
ماڵ وه‌بى داڵگ، جوور خه‌راوه‌سه
داڵگه، وه قورئان، داخد گرانه
داڵگه، له دوى تو، ماڵم ویرانه
داڵگه، چه‌وه‌گه‌م، ڕوى سیه ئه‌و خوه‌م
نیه‌زام له دوى تو، چوى زنه‌ى بكه‌م؟
زنه‌ى دى نیه‌توام، ژیان ئه‌را چه‌مه؟
داڵگه، له دوى تو، ژیانم سته‌مه
داڵگه، تو هاوراز و خه‌م ده‌ركه‌مید
داڵگه، قه‌ڵخان پیشت سه‌رمید
چوى له دڵد هات هیشتیده‌مه جى؟
داڵگه، له ته‌نگى داد بووه‌م ئه‌و كى؟
داڵگه، به‌س یه‌و جا، سه‌ره‌لیم داكیش
وه‌سیه‌ت یه‌و كوڕه‌د بكه قه‌وم و خیش
داڵگه، له‌لاى خوه‌د شوونم بكه‌ره‌و
سه‌رم بنه قه‌ى سینگ و دڵده‌و
داڵگه، تیه‌ریكى خسیده‌سه ماڵم
چراخم كووره‌و بوى، بنووڕ وه حاڵم
داڵگه، وه‌راسى، پشتم شكانید
قامه‌تم له ژیر خه‌ما چه‌مانید
شیرین زووانه‌گه‌م، جوواوم به‌ره‌و
ڕووشناى دیمه‌نم، كردیده وه شه‌و
داڵگه، ساف و كاف، هویچ نه‌زانه‌گه‌م
كووش به هاوارم، روح و گیانه‌گه‌م
جوور مارانگاز، وه خودا، ڕووژه‌و كه‌م
په‌لامار ئه‌و شوون خه‌فتنه‌گه‌د به‌م
چووڵى فره‌گه‌وراى خسیده‌سه لام
خه‌وم حه‌رامه، جوور لیوه‌ى سه‌رسام
هیمان باوه‌ڕ نیه‌كه‌م، تن مردیدنه
ئویشم ئرا ماڵ دویه‌ته‌یل چیدنه
گیرى و واوه‌یلا كردیده به‌شم
خوه‌م بى تاقه‌تم، داڵگه نه‌خوه‌شم
داڵگه، شیره‌گه‌د بكه حه‌ڵاڵم
داڵگه، له دویاى تن، ویرانه ماڵم
زانم له قه‌وریش، تن هه‌م هویرم كه‌ید
تیه‌یده‌و خه‌و قه‌ومه‌یل، ئامانه‌تم ده‌ید
داڵگه، ڕاز دڵ، دى ئرا كى بویشم
تا نیمه‌ى شه‌وار، لاى كى دانیشم
تو پاى شه‌رت پیچاید، وه داوانه‌وه
شان دایدن وه جه‌ور، بى سامانه‌وه
گه‌ورام كردیدن و نه‌ڕه‌سید وه كام
هه‌م باوگ، هه‌م داڵگ، هه‌م كوڕ، هه‌م برام
داڵگه، تو سه‌روه‌ت و ماڵ و كه‌سمید
له‌وه‌خت و ناوه‌خت، فریاد ڕه‌سمید
داڵگه، من، دى كى هه‌واڵ پرسمه؟
دى كى خه‌م ڕه‌وه‌ن، خه‌م قورسمه؟
خه‌م دڵ كوڕه‌د، بویه‌سه خه‌رمان
ئرا خوه‌م گیرم، ڕووژى چه‌ن هچان
بڕه‌س وه دادم بڕه‌س وه هانام
وه‌خودا نه‌ماگه ئاز له توانام
هه‌ر چه‌ن من به‌م هویر وه فامه‌وه
نیشته‌جا نیه، دڵ وه لامه‌وه
چوى له هویرم چید چوى نه‌كه‌م هاوار؟
ئاگر چگه‌سه‌لیم، دڵ نیه‌گرى قه‌رار
سه‌رلیم شیوانید، داڵگه وه قورئان
جوور مناڵ یه‌تیم، وڵم و سه‌رگه‌ردان
مردن ڕى هه‌قه، و كار خوداسه
من خوه‌م خاس زانم وه‌ى ده‌نگوباسه
دادم ئرا ئه‌وه‌س، فره جه‌ور بردیدن
جاهڵید وه زه‌حمه‌ت گوزران كردیدن
فریادم یه‌سه، ده‌س و داوان پاك
هه‌زره‌ته‌گه‌ى من، بردیده ژیر خاك
سه‌د هه‌زار سه‌ڵام له گیان پاكد
نویره قه‌ورد بووگ ئه‌ڵهه‌ى و خاكد
ئویشى تا مردن، وه‌لدا خه‌ریكم
ده‌سكیش كرد دڵسووز، ڕووژ و شه‌وانم
ئازار بى ده‌رمان، ناگه‌سه‌و بانم
كرده‌م وه ڕه‌فیق بایه‌قوش، وه شه‌و
ئه‌وى هوو هوو كه‌یگن، من ئاغه‌میر ڕه‌و
ڕووژم تیه‌ریكه، و شه‌وارم خه‌مه
كارو كردارم، شین و ماته‌مه
برایل لیم نه‌گرن، دڵم خه‌مباره
شه‌وار ڕووژه‌و كه‌م، ئه‌ول په‌ژاره
داخ دڵم، كوت كوت كرد جه‌رگم
له گیان ئاجزم، چه‌وه‌ڕى مه‌رگم
داڵگ سوین ماڵ، و داڵگ گشت كه‌سه
ماڵ وه‌بى داڵگ، جوور خه‌راوه‌سه
داڵگه، وه قورئان، داخد گرانه
داڵگه، له دوى تو، ماڵم ویرانه
داڵگه، چه‌وه‌گه‌م، ڕوى سیه ئه‌و خوه‌م
نیه‌زام له دوى تو، چوى زنه‌ى بكه‌م؟
زنه‌ى دى نیه‌توام، ژیان ئه‌را چه‌مه؟
داڵگه، له دوى تو، ژیانم سته‌مه
داڵگه، تو هاوراز و خه‌م ده‌ركه‌مید
داڵگه، قه‌ڵخان پیشت سه‌رمید
چوى له دڵد هات هیشتیده‌مه جى؟
داڵگه، له ته‌نگى داد بووه‌م ئه‌و كى؟
داڵگه، به‌س یه‌و جا، سه‌ره‌لیم داكیش
وه‌سیه‌ت یه‌و كوڕه‌د بكه قه‌وم و خیش
داڵگه، له‌لاى خوه‌د شوونم بكه‌ره‌و
سه‌رم بنه قه‌ى سینگ و دڵده‌و
داڵگه، تیه‌ریكى خسیده‌سه ماڵم
چراخم كووره‌و بوى، بنووڕ وه حاڵم
داڵگه، وه‌راسى، پشتم شكانید
قامه‌تم له ژیر خه‌ما چه‌مانید
شیرین زووانه‌گه‌م، جوواوم به‌ره‌و
ڕووشناى دیمه‌نم، كردیده وه شه‌و
داڵگه، ساف و كاف، هویچ نه‌زانه‌گه‌م
كووش به هاوارم، روح و گیانه‌گه‌م
جوور مارانگاز، وه خودا، ڕووژه‌و كه‌م
په‌لامار ئه‌و شوون خه‌فتنه‌گه‌د به‌م
چووڵى فره‌گه‌وراى خسیده‌سه لام
خه‌وم حه‌رامه، جوور لیوه‌ى سه‌رسام
هیمان باوه‌ڕ نیه‌كه‌م، تن مردیدنه
ئویشم ئرا ماڵ دویه‌ته‌یل چیدنه
گیرى و واوه‌یلا كردیده به‌شم
خوه‌م بى تاقه‌تم، داڵگه نه‌خوه‌شم
داڵگه، شیره‌گه‌د بكه حه‌ڵاڵم
داڵگه، له دویاى تن، ویرانه ماڵم
زانم له قه‌وریش، تن هه‌م هویرم كه‌ید
تیه‌یده‌و خه‌و قه‌ومه‌یل، ئامانه‌تم ده‌ید
داڵگه، ڕاز دڵ، دى ئرا كى بویشم
تا نیمه‌ى شه‌وار، لاى كى دانیشم
تو پاى شه‌رت پیچاید، وه داوانه‌وه
شان دایدن وه جه‌ور، بى سامانه‌وه
گه‌ورام كردیدن و نه‌ڕه‌سید وه كام
هه‌م باوگ، هه‌م داڵگ، هه‌م كوڕ، هه‌م برام
داڵگه، تو سه‌روه‌ت و ماڵ و كه‌سمید
له‌وه‌خت و ناوه‌خت، فریاد ڕه‌سمید
داڵگه، من، دى كى هه‌واڵ پرسمه؟
دى كى خه‌م ڕه‌وه‌ن، خه‌م قورسمه؟
خه‌م دڵ كوڕه‌د، بویه‌سه خه‌رمان
ئرا خوه‌م گیرم، ڕووژى چه‌ن هچان
بڕه‌س وه دادم بڕه‌س وه هانام
وه‌خودا نه‌ماگه ئاز له توانام
هه‌ر چه‌ن من به‌م هویر وه فامه‌وه
نیشته‌جا نیه، دڵ وه لامه‌وه
چوى له هویرم چید چوى نه‌كه‌م هاوار؟
ئاگر چگه‌سه‌لیم، دڵ نیه‌گرى قه‌رار
سه‌رلیم شیوانید، داڵگه وه قورئان
جوور مناڵ یه‌تیم، وڵم و سه‌رگه‌ردان
مردن ڕى هه‌قه، و كار خوداسه
من خوه‌م خاس زانم وه‌ى ده‌نگوباسه
دادم ئرا ئه‌وه‌س، فره جه‌ور بردیدن
جاهڵید وه زه‌حمه‌ت گوزران كردیدن
فریادم یه‌سه، ده‌س و داوان پاك
هه‌زره‌ته‌گه‌ى من، بردیده ژیر خاك
سه‌د هه‌زار سه‌ڵام له گیان پاكد
نویره قه‌ورد بووگ ئه‌ڵهه‌ى و خاكد
