خاڵوو

ئویشم بنیشم ئه‌رچه‌ هه‌رچى دیه‌رم وه‌ده‌س دام

ئى كێو چ ته‌نگ و تووشه‌، كه‌ى جاى مه‌رده‌ خاڵوو

پڕ كه‌یم چه‌وه‌یلمان وه‌ سه‌ر كیه‌نییه‌یلێ واران

پاییز ڕه‌سى وه‌ توحفه‌ى سه‌د بوخچه‌ گه‌رده‌ خاڵوو

ئیلاخه‌كه‌ى پڕى وه‌رگ نیه‌یوونى كه‌س وه‌چه‌و دى

ئوجاقه‌كه‌ى قه‌بیله‌م خامووش و سه‌رده‌ خاڵوو

خه‌رمانه‌كه‌ت بپووشان یه‌ هه‌م زه‌لانه‌ هاتییه‌

یه‌ گه‌رده‌لویله‌ گش كه‌س یه‌ هه‌رزه‌گه‌رده‌ خاڵوو

با له‌یل سووزمان وا كه‌یم بچیم وه‌ ئێره‌

یه‌ى ده‌روه‌چیى ڕییه‌و خوه‌ر كه‌س وا نه‌كه‌رده‌ خاڵوو

به‌و تا دویا بكه‌یمن حه‌تمه‌ن قه‌بوولێ هه‌ق بوو

ئاخر نییه‌ى سوارى! ئه‌و مه‌رده‌ مه‌رده‌ خاڵوو