خانمە شاعر یابانی تویوتاما تسونۆ
شەفەق نیوز/ تویوتاما تسونۆ لە ساڵ ١٨٩٦، لە دوورگەی هومایدۆ باشوور یابان لەداڵگبویە.
لە تەمەن بویچگیگ شوی کردە ئەندازیاریگ، وەگەردی روی کردنە پاریس، و لە پاریس وە بیماری سل لە تەمەن ٣٢ ساڵان گیانی لەدەسدا.
ئی خانمە شاعر یابانیە، ژیان کوڵ و ئارامیگ وەسەر برد، کەسەیل فرە کەمیگ چشتیگ لەبانی زانن، ک لەیەکیگ لە شعرەیلی ئویشێد:
لە ناو قەپاڵ دەسم پەڕ نەرمیگ هەس
رەنگ خوەڵەکوو کاڵیگ وەگەرد تیرەیگ لە رەنگ گوڵ دیرێد
لە ئاسمانەو کەفت
ئەو کەموتەرە ک ئی پڕە لەلی گوما بوی
وە دڵخوەشی من نیەزانێد.
هەرچەن ک زانم توو هاێدە شوین دویریگ
وەلێ لە ناخ گیانم چرچکیەمەو
هەناێ پیاویگ وە شیوەی توو دوینم.
هەمیشە دووسد دیرم
وەلی وەقویلییگ زیاتر
هەناێ دروو کەێ.
ئەو سیپریسنەکە
ک لەبان چڵ گوڵ لۆتس
هوچانیگ خوەێدەو
مقیەتی پەیمانەی زەوی و ئاسمان کەێد.
هەناێ گڵاگە چڵ دارەگە وڵ کەێد
بوودە پەپوولەیگ
گومان نیەکەم لەیجویر زمسانە ئەوزەڵ بکەێد.
شەوانە هەناێ لەناو شار بیگانە
هەست وە دەس ناسکیگ لەبان دڵد کەێ
بزان ک یە دەس منە.
ئی خەو تاریک
ئیرنگە ناێدە لام
هیمان بایەتە هویر وە ئەو بکەم.
