خەم وەشکیاسە پیمەو

خه‌م وه‌شکياسه پيمه‌و! شه‌و ها له ‌شان وه‌ شانم!

ته‌و داسه ‌سيخ° داخه‌و، ئازايه‌گه‌ێ سقـــــــا‌‌نم 

وينه‌ێ هه‌ڵه‌ت هڵاکم له‌ێ تاوسان° جه‌وره 

ئاژاژگی خوه‌ێه‌و ده‌ێ نامه‌ی له‌ بان° شانم 

هه‌ڵشێویاێه به‌ختم! هه‌ڵبرشياێه جه‌رگم! 

هه‌ڵڕۊشياێه هۊرم! هه‌ڵورشياێه گيــــانم 

تا که‌فته هۊرم ئمشه‌و سه‌نوزی چه‌و‌ه‌يل° کاڵد!

هه‌م ئـــه‌زره‌ته‌يل° که‌وکه‌و پا نانه که‌شکه‌شانم 

نووڕم مه‌که‌گ بشکێ باڵه‌يل° سه‌ونز° هۊرم 

ئه‌زره‌تمه‌ن° ڕه‌سينێگ تا ماڵ° ئــــــــاسمانم 

تا گه‌ر هساره‌گه‌ێ خوه‌د له‌ ئـــــــاسمان بکاڵم!!!

خۆه‌زێه‌و له بن، هساره‌يل، کۆل هه‌ڵپڕۊچقانم!

           جلیل ئاهنگرنژاد