جفتێ گیس لفانگ

 هاڵ تر و هەواڵ تر، لەنوو ژیان کاڵ تر

پووس ترەک بکەم لە وەر، بخەم لە سەر خێاڵ تر

شەوق ترەک ها لە سەرم، ڕووژ ترەک ها لە وەرم

باێە لەنوو بێامە دی، تا بوِمە مناڵ تر

خوەم بوِسم لە پێشت خوەم، باتە بکەم ئاڵێشت خوەم

تاڵە بشێونم لەنوو، تاڵە بخەم لە فاڵ تر

لەش زنەی پڕە لە خاڵ، خاڵ سیەێ ڕەین جەماڵ

باێە کەڵێن خوەم بکەم، تا نەکەفم لە چاڵ تر

هە هامە خڕ لە ئێ جییە، ئێ جیە جی م نیە

لانە بچۊچنم لە خوەم، لانە بکەم لە ماڵ تر

خوسە نیەتێونم لە تەن، شێوە نیەشێونم وە گەن

ڕەینترەک لە پارەکە، سەینترەک لە ساڵ تر

سومەیە مێهری