جەژن و مانگ

منیش وەتەمای پرتەی بژانگی

وە تەمای مانگیگ چەویان ها ئاسوو

تویش گشت رووژیگ وەمن ئویشێ سوو

مەردم مانگ دینەو دڵیان خوەشەو بوی

جەژنە پیرووزی و نقوڵ بەشەو بوی

 منیش تینگی رووژگ چەن ساڵە

وەبی تام توو پاشامم تاڵە

مەردم وەی جەژنە هاتنە هامشوو

هەر توو نیەزانم شویند هالە کوو

مانگ هات و مەردم شکانن رووژگ  

من چە بشکنم دڵ شکیاگ وچگ

خو من هەر جەژنیگ مانگیگ قویتا دەم

وە چەوەڕی توو هەر دویکەڵ وادەم 

خودا کەم مەردم گشتیان خوەشیان بوو

 ئی جەژنە جویر ئاو نووش لەشیان بوو 

توویش خودا کەم لە هەرکوو نیشێ

وەخوەد نەزانێ  هەر ناو من بویشێ.

كەنعان موڕاد/ خانەقین