ته‌نيايى
2010-02-22T11:57:00+00:00
ده‌لاقه‌ى ته‌نياييم كولَوم كه‌ى و
له سه‌ڕ سينگم دانيشى
وه قه‌وامى شاهانه
قلمه‌وده‌ى له ناو ديزه‌ى سه‌ڕم
گوڕانى دووانزه بايه‌قوش
دووانزه پاييز
دووانزه ته‌نيايى
ئاى باڵاَچناڕ له‌چك وه‌هاڕى
ته‌قه‌ى به له ده‌لاقه‌ى ته‌نياييم
نه‌كا بنيشى وه باوه‌ڕم
ك تونيش وه‌ك خوا وه‌ك ئادا
م له ياد بڕديت
تيه‌نگ باڵاتم
دڵم پڕ له ته‌لواسه‌ى تونه
م هه‌ڕ ئه‌و تنگس قه‌لاَيه‌گه‌م
ك بوو گاگمه و گيلاخه
بوو ماى ڕان
په‌پكه‌قه‌نى و چه‌وزاقه
بوو پوونه و په‌ڕپووله
پووله‌كه‌ى كوڕواسييه
به‌و تا دوواڕه ئيواڕه
پا نه‌نيايه وه خه‌لَوه‌تم
ته‌قه‌ى به له ده‌لاقه‌ى ته‌نياييم
ئاى بالاَچناڕ له‌چك وه‌هاڕى
