تاكه‌ی...؟

تاكه‌ی...؟
2010-02-25T07:13:12+00:00

تاكه‌ی ئاواره‌و لانه‌ويز بووم؟ تا كه‌ی حاشا له‌ بوين و حه‌ق و حقوقم بكريه‌ی ؟ تاكه‌ی حاشا له‌ زوان داڵگی و كه‌ل وپه‌ل كورديم بكريه‌ی؟ تاكه‌ی خانه‌قين مه‌ڵوه‌ن كوردايه‌تيم، تاكه‌ی خانه‌قين شۆڕشگێڕم ، خانه‌قين له‌يلا قاسم په‌روه‌رم ، وه‌ئه‌زره‌ته‌وه‌ بنوڕيگه‌ كوردستانه‌گه‌ی؟ تا كه‌ی مه‌نه‌لی سه‌رفه‌رازم ، مه‌نه‌لی شارشارانم ، مه‌نه‌لی قاره‌مانم ، ده‌س وه‌ زرانی ، له‌ گوشه‌يگ كزكز بنيشيگ و چه‌وه‌ڕی ئه‌وه‌ بووگ ك كه‌ی جنگ كوردی له‌وه‌ر بكه‌يگ ؟ تاكه‌ی كه‌ركووك دڵ كوردستانم ، كه‌ركووك قودس كوردستانم ، كه‌ركووك كورد و كوردزوانم وه‌بی ناز بكه‌فيگ و حاشا له‌ كوردستانی بوينی بكريه‌يگ؟ تاكه‌ی به‌دره‌و جه‌سان و زورواتيه‌ی داڵگ سه‌دان شه‌هيدم ، وه‌ دڵ شكيای و وه‌دس به‌سيای ، هه‌ر ئاخ هه‌ڵكيشيگ و چه‌وه‌ڕی ئه‌وه‌ بكه‌يگ ك جوور يوسف په‌يغه‌مبه‌ر وه‌ديدار يه‌عقوب ، وه‌ ديدار كوردستانه‌گه‌ی شاده‌و بووگ؟

تاكه‌ی وه‌بی ده‌نگ بمينم و داوای خوين جايڵ و جوانه‌يل بی سه‌ر و شوين كرياگ و نه‌ونه‌مامه‌يل وه‌بی تاوان شه‌هيدكرياگم نه‌كه‌م؟

ئاخر تاكه‌ی ؟ نه‌ دی سه‌ورم سه‌رهات !!!! دی وه‌خت ئه‌وه‌ هاتگه‌ ك جنگه‌ كورديه‌گه‌م بكه‌مه‌وه‌ر و جوور جه‌وه‌ڵه‌يل كوردستانه‌گه‌م وه‌ سه‌ربه‌رزی و سه‌رفرازيه‌وه‌ بويشم من كوردم و كوردستانيم ؟ وه‌خت ئه‌وه‌ هاتگه‌ ڕوی بكه‌مه‌ سندوقه‌يل ده‌نگدان و وه‌ته‌نيا ده‌نگيگ ئه‌را ليست هاوپه‌يمانی كوردستان وه‌ عاڵه‌م و ئايم اسبات بكه‌م ك تا ئاخر نه‌فه‌سم هه‌ر پێشمه‌رگه‌م و ئه‌ڕا ملله‌ته‌گه‌م و كوردستانه‌گه‌م گيان فدايی كه‌م.
Shafaq Live
Shafaq Live