تەمای هاتند

وادە دای ڕا لیسک خۆەر ، خۆەر هڵاتو ت° نــــــــــەڵاتی

دڵ بەسام وە شۊەڵەێ مانڰ، مانڰ هەڵقە داو  ت° ناتی

سەر وە چیتە وەهاریش، م° چۊ گوڵەیل خەمینم

پایز مینگەێ نوو خەێدن، خەزان ها لە کەمینم

شەوان لە ناو هسارەیل، شوون° پایلد کەفتۊدن

نزانسم لە باوش° مانڱ سەر ناۊدنو خەفتۊدن

منیش هەر وە هەڵک° دەو، شەوار وە ڕوژ ڕەسانم

تا واداگەێ لـــیسک° خۆەر، تا مەوداێ دڵ بەسانم

شەوار بێ دووس چێەو سەر، هەم تەک دا لە بەێانەو

ئاخر هسارەیش نۊرێ، لە جنس° خەم وەشانەو

هەم ڕوژ هاتو گوڵ° سوو، خۆەر هڵات لە مانشت کوو

نۊر خوو ئۊشن همێدە، قوومِڕ کیشام هەم لەنوو

هامە تەماێ هاتند، یەێ هنـــــاسم مەنێە

ترسم وەختێ بایدنەۆ، دی مەرگ گیانم سەنێە

ت° خوو لە جنس° مانڰید، بەورەو تەنیـا هســـارەم!

چارەێ ژیان دی نەێرم، هە خۆەد بۊدە وە چارەم!

             رحیم اداری