بووی سیف مه‌رگ

موژده‌ی هاتن وه‌هار دییان
وه‌ختی بهه‌یشت
ئارام ئارام
تواست یه‌ی جارتر
له هه‌ڵه‌بجه
خوه‌ی بیه‌ی نیشان،
به‌خیڵی کرد وه‌ حاڵ کورد
ڕووڵه‌ی شه‌یتان...

له شانزه‌ی مارس هه‌شتاو هه‌شت
بووی سیف مه‌‌رگ
شار هه‌ڵه‌بجه داپووشان
دویکه‌ڵی جوور که‌فه‌ن سپی،
خوه‌ی کرده به‌رگ ئاسمان
دی له ئه‌و ڕووژه بوڵبوڵه‌یل،
ئاواز مه‌رگ سه‌ر دییان
ده‌سه ده‌سه
ژن و مناڵ
پیر و جووان
له‌ باوه‌ش یه‌ک
گیان که‌ندییان
هوشکه‌و بییان...
له شانزه‌ی مارس هه‌شتاو هه‌شت
ئیجــــاره دی
ڕووڵه‌ی شه‌یتان
نه‌هات بکه‌یده‌مانه ده‌یشت
له‌ناو بهه‌یشت کوردستان!
ئیجــــاره دی
ڕووڵه‌ی شه‌یتان
هات تا وه بی وژدانی ته‌مام
بهه‌یشت بکه‌یده گوورستان...