بوو گوڵباخیەگەد

هنای لە ڕۊمە جەڵا دەی لە خوەی

چۊ مەوج دەریا دڵم وەلا بەی

بوو گوڵباخیەگەد بیەی لە هەرکەس

لاوەلا چوودن چۊ ئایەم مەس

نە ڕاد هامە زەۊ نە لە هەواوا

چمان کەشتیم لە ڕۊ دەریاوا

هنای وای کەێدن پیچ زوڵف لە قەێ

پیچ پیچە چۊ پیچ ڕێیەگەی ملیە نەێ

قەلاجە وەفرە چلە وارانە

 یارم موسافر ڕێیەگەی گیەڵانە

بەڕزی قڵاجە وەفر کردێیە بەن

ئەڕای یارەگەم دڵم بیەو تەنگ

ڕەفتارێ لە تا ڕەفت ئاهوە

لە ژێرێ سەروەن زڵفێ لوولووە

باڵای ئەنەهوو نەی داڵاهووە

سفێدی پەنجەی وەفرێ شاهووە

شیرین شیرینە لە چەو بازی کەی

لە هەردو ئەبروو تیرەندازی کەی

ملیەنێ وەفرە چلە وارانە

یارم مسافر ڕێیەگەی گیەڵانه

بەرزی ملیەنێ چاڵی مەیوانە

سڵاو لە گیەڵان جای نازارانە

هەنای دەس نەیدن نازار لە دەسم

چمانێ شەش دانگ ت کەیدن مەسم

هنای دۊنمەد لە دۊرەو تیەیدن

هەرچێ خەم دێرم لە هۊرم بەیدن

ڕزا لورستانی