بوو ته‌ڕ مانگه‌شه‌و
2010-02-08T10:02:53+00:00
هه‌دیه‌ی کردن، وه
سه‌نگ فه‌ڕش خیاوان
عه‌کس نویر مانگ له ته‌ڕییا
یاد شه‌وه‌گان شون واران
ئه‌ڕام په‌رچن که‌ی
ته‌ڕ، جوور لێوه‌گانت!
ته‌ڕ، جوور چه‌وه‌گانم!
نه‌فه‌س، ده‌رگیر بوغزه و
په‌نجه‌ره‌گان، نیمه‌وازه ئیمشه‌و
له کنار سه‌نگ فه‌ڕش خیاوان
نیم که‌تێک وه غه‌مین
تماشام که‌ید
دڵی پڕه، له شه‌که‌رخه‌نینه‌گانت
ده‌سی تینگه ئه‌ڕا ده‌سه‌گانت
مانگه‌شه‌وه و دڵ من تاریکه
سه‌رم داخه‌م و
له کویچه‌ی یاده‌گان شار
وه شون ئه‌سره‌گان نه‌خوه‌شم
ده‌مه ژێر ئاواز
"خه‌وه‌ر نه‌یری وه دویریت چه هاتیه وه سه‌رم"...
