باوگ شه‌هید
گووچان ده‌سم، لـــه ڕووژ ته‌نــگى
ئمڕوو چڕمه‌ى .. نیه‌شنه‌وه‌م ده‌نگى
كوڕه‌م هـا له‌كوو،هــا له چ شارى
ئه‌را نیه تیایگـن، سـه‌نگینــــه بــارى
هایــده بان زه‌وى .. یا نــاو چاڵـى
بوو باوگ نه‌زانى هـا كــوو مناڵـى؟!
كوڕم دى ئه‌ڵس مه‌وقــــه‌ى سویرده
ئه‌را لیم شارید چــــه‌هـره‌ى نـویرده
ت بوو تووریــایده ....ده‌ردد له گیانـم
سووزیامـه ئه‌راد...تــا میخ ســقانـم
دى تووریان به‌سه، یه سى و دوو ساڵــه
باوگـــــد ڕیقى برد، له بن ئى ماڵــه
دلأ خوه‌شیم بده ،بنویـــس یه‌ى نامـــــه
تا دى نیه تیایده‌و، كــــارد ته‌مامـــــه
باوگـــــه م هامـــه گووڕ جــه‌ماعى
دى فكرم نه كــــه، نه‌یریگــــن داعى
نــه به‌س م باوگه، جوورم هــــه‌زاران
بێ گـووڕ بێ كفــــــن له ناو بیابــان
یـــه ده‌رد دڵمه، ده‌رده‌گـــه‌م سه‌خته
دایم هــا له مه‌وج ،چه‌نى بـه‌دبه‌خته
