بارکووڵەێ خەم

بارکووڵەێ خەمم مەنێەس وە شانم

کـزەێ بێ بەشی کەفتێەسە گیانـــم

چریکەێ خەمەو پەژارەێ دڵـــم

هەێ هاوار، هـاوار، لاڵە زوانــــم

دیدەم بەسیاێەو گووشم کەڕ بییە

پایلم ها لە خــەو، شکیاێە شانـــم

هەێ هاوار هاوار، من وە کی بۊشم؟

دەس وە دەس گەردێ دەرمان° ژانم

ژانم بێ دەرمان، دەرمانم بێ ژان

وە یەک ڕا دۊرن، ژانـو دەرمانـم؟

هەێ هاوار، هاوار، هاوار بێ دەنڰە

هـاوار° بێ دەنڰ، ئاو کرد سقانـــم

تا کەێ من بۊنم بەزگی لێوەیل؟

تەوبە سەد تەوبە، کفرە ئێمانــم

هاوار° شکیاێ بڕەسێ وە جاێ

ئەوسا دی ئۊشم تەوبە شکانم...

             ناهید محمدی