باخ بێ بەر
باخ بێ بـــــــەر! تا وه که‌ێ بایە م ئه‌سپارد بکەم؟!
تا وه کــــــــــــــــه‌ێ وریای پۊچ دار پۊتارد بکەم؟!
دڵ خوەشی نەێرێ تەماشاد! ئاو زەل ده‌م رووژو شه‌و
تەور گوڵ ده‌م ها تەمه‌ێ ت با خه‌وەردارد بکەم!
هه‌رکه دارێ به‌ر گرێ تانه‌ێ وه تێژی دەێده لیم
تفـــــ له ئێ چارەێ سیەێ دارەیل بێ ئارد بکەم!
سەێرەگاند کەێ تیەنەو تا ئێ قەڵایله دی بچن؟!
تا مـــــــــ سەێرانێ له ناو باخو گوڵزارد بکەم!!
هۊر ئەو ساڵه وه خەێر، ئەو قەسرو لیمو بوو خوەشه
بیل دوواره هـــــــــۊر ساڵ پارو پێرارد بکەم!!
هەم وه‌هارێ ها له ڕێ به‌ش کەم دوواره گوڵ بکەی!
باێه لەێ ئاخر وەهاره خۊن لە پاێ دارد بکەم!
دار بێ بەر ئاگـــرێ دەن، سۊر ئاگر هەم خوەشه...
که‌ێ دڵـــم تێـــدن ئەزیزم لەێره خەم بارد بکەم؟!
باخەوانێ وەخت مردن ئێ وڕینه کردو مرد...
باخەگەم! باخەگەم!
کەێ بوو دوواره یەێ دەف ئەسپارد بکەم؟!؟!؟!
ئەلی ئولفەتی
مەیسەم نەجەفی
