بیدەنگتر دە وەفر
2024-07-07T10:11:38+00:00
چەنێ بۊچگەو دوو مانگ
چەنێ مانگترەو دووم م
هناێ ت دە نام سینگم دەم گری
دێ یەخبەنانه ڕەد دوویت و
قەڵبم قۊلەو کەیت
قۊلتر دەێ زام کۊیەنه
ک دە نام هۊچ شێعرێ ئەو دەنگ نیاێگ
بێدەنگ‌تر دە وەفر
دە نام خوەم وارم
دە تاو ئەوتەویان
دە نام ئێ یەخچاڵه
خوەم ئەوشارم
ئەمان یەخچاڵ
دووگه تەنۊرێ
ک نان گەرم دەسەیلم
دێگەو دەست
ئاگرێ ک وە کەلەمه ئەوکریاگه
دە یەخبەنان کوورەو نیەوگ
سۆمەیە فەلاهی
