یار گیانی
هەم یار گیانی هاتیە هەم ئەیده هەم مانگه شەوه
مردم خودا داخم ئه‌ڕاێ یەێ شیشه لەو به‌د مه‌سەوه
دنیا دەمیگه و ئەو دەمه بەو تا بنیشیمن وە یه‌ک
خوەم بومه نه‌زری ئەو ده‌مه پوڕی جوانی باتەوه
تا تیدەده‌س دیدارگه‌د جفتە چەوە نازارگەد
ساتی له شەو نەگوزەشتێە ئۊشن هه‌ڵس وەخت خاوه
باخم شەمامەی نەوڕەسم نوری چەوم ئاسای ده‌سم
دەردد و گیانم گێشکەسم دنیا چمان هەر ئمشەوه
ئەر شەوێ دەر وابکەید و بۊدە مهمانم چە بوو
سەر بنەیده سینەم و دەس وە سەر شانم چە بوو
وا بکەیمن خوەش خوەشەک یەێ شیشە لەو بەد مەسەوە
ساقیم بۊدو بنەیدن سەر وە دامانم چەبوو
وەختی تیده ماڵمان چێشتێ بخەشان و ملد
ئاگر و ئیمانم نەێە ئاخر دلم ده‌‌س نه‌سروه
هەرگز نه له که‌س ڕەنجیه نەکه‌س له خوەی ڕەنجانیه
ئه‌ر دیریه ئه‌ر کافره مەردم یه دین پەرتەوه .
پەرتەو کرماشانی
هەم یار گیانی هاتیە هەم ئەیده هەم مانگه شەوه
مردم خودا داخم ئه‌ڕاێ یەێ شیشه لەو به‌د مه‌سەوه
دنیا دەمیگه و ئەو دەمه بەو تا بنیشیمن وە یه‌ک
خوەم بومه نه‌زری ئەو ده‌مه پوڕی جوانی باتەوه
تا تیدەده‌س دیدارگه‌د جفتە چەوە نازارگەد
ساتی له شەو نەگوزەشتێە ئۊشن هه‌ڵس وەخت خاوه
باخم شەمامەی نەوڕەسم نوری چەوم ئاسای ده‌سم
دەردد و گیانم گێشکەسم دنیا چمان هەر ئمشەوه
ئەر شەوێ دەر وابکەید و بۊدە مهمانم چە بوو
سەر بنەیده سینەم و دەس وە سەر شانم چە بوو
وا بکەیمن خوەش خوەشەک یەێ شیشە لەو بەد مەسەوە
ساقیم بۊدو بنەیدن سەر وە دامانم چەبوو
وەختی تیده ماڵمان چێشتێ بخەشان و ملد
ئاگر و ئیمانم نەێە ئاخر دلم ده‌‌س نه‌سروه
هەرگز نه له که‌س ڕەنجیه نەکه‌س له خوەی ڕەنجانیه
ئه‌ر دیریه ئه‌ر کافره مەردم یه دین پەرتەوه .
پەرتەو کرماشانی
