ئایەمەیل

من زنەی نەیم لە ژیانم

کەفتمە بی دەنگ م سانم

قردگێ ئەر چوڵه ژێرم 

پووک ئاێم دەێ لە شانم

ئایمەیل گەل گه‌ل دروو بۊن

لام گردن سه‌د کروو بۊن

تا ک وا هات گشتیان چێن

ئایەمەیل وەڵنگ چروو بۊن

هەر جیێ چم ژاو ئڵاڵن

بەزر جەنگو کینە کاڵن

سەد شەرەف وە گورگەل هار

ئایەمەیل دەس یەک هە ناڵن

ئەی بەنەیلە  کەس نیەناسن

پڕ لە باسن  دڵ لە ئاسن

یانە تێخ تێژ چەفتن

دەم کەنەو پیم جۊر داسن

ئەی خودا یەیشە بەنەیلد

یانە سازید باب مەیلد

ژاریان ها لە دڵ یەک

زۆڵمیان ها وەر چەوەیلد

من بڕیمە دڵ لە خڵقەت

لەی ژیان پر لە زڵمەت

فیر سۊکێ کەم لە دڵ خوەم

من گرم خڵقەت وە عبرەت

پژواک روشن روان