پاییز

ئێوارەس و لەناو پاییز، دڵم هۊر چەوەیلد کەێ

نیەزانی ئێ ئێوارانە، چەنێ شێوەێ چەوەیلد دەێ

لە ناو ئێ خاک خاپوورە، خوتورەێ ت چەپاوم کر

م خوەم زانم ک ئێ خاکە، لە هۊر م ، چەوەیلد بەێ

عەزیز دڵتەنگ هەرشەو، چەوم لێرە نیەچوودە خەو

وە هەر لایا ک چەو گل دەم ، خودا ڕوو لە چەوەیلد وەێ

خودا هاوار! ت خوو دۊری، کەسێ شووند نیەزانێدن

وە ئێ جادە ، ت چشتێ بۊش؛ م ئەو شوون چەوەیلد خەێ

دەم ئێواران ،من و پاییز کەفیمە ئێ خێاوانە 

دوارە وەفرێ وارێدن ک گوورانی چەوەیلد نەێ

شێعر : دگدڕ ئەلی ئولفەتی