ئه‌‌ڵوه‌‌ن تيه‌‌نى

هه‌ڵَاك ئاو پاكه‌‌

ت ئويشى رووژێ تيه‌يده‌وه‌

ئه‌‌ڵوه‌‌ن لرفه‌‌ى بايده‌‌وه‌‌

ماسيه‌‌يل ئمڕوو هه‌لاَكن

له‌‌ى مه‌‌ڵوه‌‌نه‌‌ هه‌لاَتن

گه‌لاَى داره‌‌يلد سيسن

گشتيان مات و مه‌ويسن

ت ئويشى ڕووژێ تيه‌يده‌وه‌

ئه‌‌ڵوه‌‌ن لرفه‌‌ێ بايده‌‌وه‌‌

"بويَژێ " ئه‌‌ڵوه‌‌ناتى

هايده‌ ‌كووره‌‌ دى ناتى

ئه‌‌ڵوه‌‌ن ئمساڵ بڕ نه‌‌كرد

هووره‌‌ چڕێ ، چڕ نه‌‌كرد

ت ئويشى ڕووژێ تيه‌يده‌وه‌

ئه‌‌ڵوه‌‌ن لرفه‌‌ى بايده‌‌وه‌‌

خاوه‌‌نه‌‌گه‌ى "گه‌‌رمه‌شين"

وارگه‌‌د ها پاى بيستوين

ئمساڵ يه‌‌كێ شوى نه‌‌كرد

خرنگه‌‌ى بازنه‌‌ي قوى نه‌‌كرد

ت ئويشى ڕووژێ  تيه‌يده‌وه‌‌

ئه‌‌ڵوه‌‌ن لرفه‌‌ێ بايده‌‌وه‌

له‌‌پمان شووڕه‌‌ ئاسمان

بوو كز دڵ هاته‌‌ بان

داوا كه‌‌يم وه‌‌ يه‌‌ى زووان

وه‌‌ يه‌‌ى زووان نيشتمان

ئه‌ڵوه‌‌ن لرفه‌‌ێ بايده‌‌وه‌

ئى وشكه‌ساڵه‌‌ نايده‌‌وه‌‌‌