ئه‌ڵوه‌ن

باڵاجوو وه‌ئشق هاژه‌ی تافده‌وه‌

له‌ڕيژاوه‌و تيه‌ی وه‌ ته‌وافده‌وه‌

شاروئاوايی بياوان كه‌ی په‌ی

دارودره‌خت وچه‌مه‌ن شاده‌وكه‌ی

سا پيرئه‌لَوه‌ن قه‌سه‌م وه‌پيرد

وه‌كانی و قه‌ڵوه‌ز نزيك ودويرد

چ شوونی خوه‌شه‌و هه‌وای دڵگيره‌

له‌كوو گوم به‌سای ت به‌خت ئه‌وپيره‌

بانه‌وباواند چ ميلكانيگه‌

كام هه‌رد و چووڵه‌ چ كوچگانيگه‌

ئه‌ڵوه‌ن وه‌بی شه‌رم راس دڵد بويش

خودا هامڕاد بووگ جه‌ورو جه‌فاكيش

ئه‌ڵوه‌ن كرده‌ جواو يه‌ی ده‌وران زوی

سه‌راو سووحانيگ وه‌ ڕيوارم بوی

پرسيم له‌ شه‌خسيگ يه‌ چ شاريگه‌

وه‌ ئه‌رواد قه‌سه‌م چ هه‌واريگه‌ ؟

پيرپه‌ككه‌فتگ دانه‌ جوير گه‌وهه‌ر

هه‌م سه‌ڵته‌و زبوون هه‌م مشكی له‌سه‌ر

كورد و كورد زوان ئه‌سڵ جينشين

ديه‌وفاميده‌ی ده‌ور خانه‌قين

ئه‌وسا زانستم و ره‌سيمه‌و له‌لی

يه‌سه‌ شاره‌گه‌ی خودادای ئه‌لی