ئه‌گه‌ر واران وو ...
(۱)
ده‌ێن گوناێ ئی هه‌مگه‌ێ مه‌له‌وه‌ره
ره‌ق کردگه
داوڵ
ـــــــــــــــــــــــــــــــــــــــــــــــــــــــــــــــــــــ
(۲)
هه‌وا پڕ ده تووزێ که‌ێ
سه‌رم دڕیاگه‌و له‌شم ها وه ده‌س وا
نه دان وشکێگ و نه مه‌ل جمێ
ده ئی زه‌مین توزینه
هه خوه‌م ڕخم ده خوه‌م چووگ
ــــــــــــــــــــــــــــــــــــــــــــــــــــــــــــــــــــــ
(۳)
جفت مه‌لويچگ
ده بان سه‌ر لێز گرتنه
هووشی وه خوه‌ێ نیه
چیه‌م ها وه دو بووسان ئه‌ولا تره‌ک
داوڵ عاشق
ــــــــــــــــــــــــــــــــــــــــــــــــــــــــــــــــــــ
(۴)
مانگ
ده نام ئاو گووڵ به‌سیاگ
پامان پاێ دیو
کومرێ کیشا
داوڵ
چه‌ن سه‌خته
ره‌ق بویت و عاشق
ــــــــــــــــــــــــــــــــــــــــــــــــــــــــــــــــــــــــــــــــــــــــ
(۵)
ئه‌گه‌ر واران وو
ئه‌گه‌ر وه‌فروو
ئه‌گه‌ر خوه‌ر
نه جم خوه‌ێگ و نه لا ئه‌ڵکه‌ێ
جه‌ما
چیه‌مه نوور هاتن کیه
داوڵ
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
(۶)
بوه‌س وه پووس و سوقان
نه جام ئاو خوه‌یگ و
نه له‌ت نان
هويرێ هاوه نان و ئاو مه‌ردمه‌و
که‌س هويرێ وه‌یه‌و نیه
داوڵ
ــــــــــــــــــــــــــــــــــــــــــــــــــــــــــــــــــــــــــــــــــــــــ
(۷)
ڕووژێ چه‌ن مه‌ل
ها ده خه‌رمان خاون بووسان
خوه‌ێ وه خوه‌ێ وت:
فڵان رزق مه‌ل بریت؟
خه‌رمان گونات زیاێ بووگ
داوڵ
