ئه‌‌و سه‌‌وڵ نازه‌ ها كوو؟

تو سه‌‌رده‌واى خه‌‌زانى

تو هایده‌ كوو نیه‌‌زانم

ئه‌‌و سه‌‌وڵ نازه‌ ها كوو؟

ئه‌‌و سووز سازه‌ ها كوو

له‌‌ى نمه‌ نازه‌ ها كوو

تو هایده‌ كوو نیه‌‌زانم

هه‌‌م هاتمه‌ ئه‌‌راى لات

پڕ له‌ غه‌‌م و هه‌‌لامات

پایلم وه‌ شوونمه‌‌و نات

تو هایده‌ كوو نیه‌‌زانم

تا كه‌‌فته‌ من چه‌‌وه‌‌یلد

چین كه‌‌فته‌ ئه‌‌برووه‌‌یلد

گوم بیم له‌ ناو خه‌‌وه‌‌یلد

تو هایده‌ كوو نیه‌‌زانم

ده‌‌س نامه‌سه‌ زرانى

خه‌‌وه‌ر نه‌‌یرى، نیه‌‌زانى

چى له‌ ده‌‌سم جوانى

تو هایده‌ كوو نیه‌‌زانم

به‌‌رق چه‌‌ود شه‌‌راوه‌

باڵاد به‌‌رزى په‌‌ڕاوه‌

ساى ئه‌‌بروود خه‌‌زاوه‌

تو هایده‌ كوو نیه‌‌زانم

چووڕیگ شه‌‌راو ده‌‌وامه‌

له‌ پاى په‌‌ڕاو وسامه‌

سه‌‌وزى خه‌‌زاو په‌‌نامه‌

تو هایده‌ كوو نیه‌‌زانم

چه‌‌میایه‌ دى سقانم

عاجز له‌ خوه‌‌م، له‌ گیانم

شه‌‌ریك داخ و ژانم

تو هایده‌ كوو نیه‌زانم