ئه‌‌ساره‌‌

نیه‌‌زانم وه‌‌ ئشق كى تویش هاتیده‌‌

تاگه‌‌ر له‌‌ شه‌‌وق خوه‌‌د سه‌‌رسام بویده‌‌

هه‌‌رچگ سه‌‌یرد كه‌‌م جویر سه‌‌رگه‌‌ردانید

شه‌‌وار هه‌‌رچگ هه‌‌س له‌‌ جییگ میوانید

كام نازار وه‌‌شه‌‌و گریگه‌‌د وه‌ ‌دیل

خه‌‌ڵك كام شوونه‌‌ له‌‌ كام هووز و ئیڵ

چوینه‌‌ بزانم ئه‌‌و مه‌‌مڵه‌‌كه‌‌ته‌‌

جى ئاشقه‌‌یله‌ ‌و له‌ ‌ئشق شه‌‌كه‌‌ته‌‌

توام بزانم ده‌‌یشته‌‌ تا شاره‌‌

گیان شه‌‌وقه‌‌گه‌‌د بویشه‌‌ى ئه‌‌ساره‌‌

و‌ت تن شاعرید بخوه‌‌ن ئه‌‌شعارد

وه‌‌ ئشق كام ئشق تاریف كه‌‌ید یارد

ئه‌‌را پرسیدن زانید ئشق چوینه‌‌

شه‌‌و مه‌‌نزڵگاى من لاى بیستوینه‌‌

و‌تم دى زانم شیرین ئه‌‌ساره‌‌

ناونیشانه‌‌گه‌‌د ئاشكراس دیاره‌‌

تاق و تاقوه‌‌سان شوونده‌‌س فه‌‌رهاده‌‌

شوون ئشق پاك و داد بیداده‌‌

دو قه‌‌ور له‌‌ ئشق پاك هانه‌‌ زه‌‌مین

ئه‌‌وه‌‌ڵ قه‌‌ور فه‌‌رهاد دویمیش شیرین ‌

وت به‌‌ڵى ڕاسه‌‌ كابراى بیچاره‌‌

خاس خه‌‌وه‌‌ر دیرید له‌‌ى كار و باره‌‌

خوه‌‌ر ك ئاوا بووگ  جا شه‌‌وگار تیه‌‌یگن

له‌ ‌بان بیستوین دى خه‌‌ومه‌‌و به‌‌یگن

چمه‌‌ خه‌‌یاڵه‌‌و وه‌‌ى ئشق پاكه‌‌

شه‌‌وار به‌‌مه‌‌و سه‌‌ر له‌‌و زه‌‌وى و خاكه‌‌